काजळी मायच्या सर्व लेकरांना सादर नमस्कार. तुम्ही नाम संस्थेच्या सहकार्याने खूपच छान काम केले आहे. तुमच्या यशाबद्दल हार्दिक अभिनंदन. या हौराचा त्रास तुम्हाला झाला नाही हे चांगलेच आहे. परंतु धोका अद्याप पूर्णपणे टळलेला नाही. तुम्ही तुमचा सावधपणा कमी होऊ देऊ नका. तुमच्या वरच्या अंगाला देवडे गाव आहे. तिथले गोटे या हौरामधे प्रवाही झाले आहेत.. ते पुढील भागात आले असणार. त्यांचा साठा ज्या भागात होईल तिथे काजळीमाय परत उथळ होईल. आणि नंतर पुढच्या अतिवृष्टीत बाजारात पाणी शिरू शकेल. परंतु यात देवड्याच्या लोकांची देखील काहीही चूक नाही. 

 

म्हणूनच साधारण ऑक्टोबर अखेर नंतर आपल्या भागातील नदी पात्रात छोटे आडवे बांध घालायला विसरू नये ज्यायोगे उन्हाळ्यात पाणी टंचाई निर्माण होणार नाही. 

 

आपली एकजूट अशीच ठेवावी आणि पुढील वाटचाल करून दीर्घ कालपर्यंत नदी पात्र स्थिर राहण्याची व्यवस्था करावी ही विनंती.